Muqdisho-(SONNA)-Kusimaha Wasiirka Wasaaradda Caddaaladda iyo Arrimaha Dastuurka ee Xukuumadda Federaalka Soomaaliya, Danjire Ilyaas Sheekh Cumar, ayaa daah-furay kulan dadweyne oo looga tashanayay xuquuqda dadka naafada ah iyo kaalintooda ku aaddan dhammaystirka dib-u-eegista Dastuurka.
Wasiir Ilyaas oo hadal ka jeediyay furitaanka kulanka ayaa sheegay in Xukuumadda Dan-Qaran ay ka goโan tahay in dadka naafada ahi ay si buuxda uga mid noqdaan siyaasadda iyo goโaamada qaranka, isaga oo xusay in kulankani ka duwan yahay kuwii hore maadaama mudnaan gaar ah la siinayo arrimaha naafada.
Kulanka waxaa ka qayb galay madax ka socotay saddexda hayโadood ee dastuurka u xilsaaran, Guddoomiyaha Hayโadda Naafada Qaranka, iyo xubno kale oo ay kamid yihiin Wasiiru-dowlaha hore ee Cadaaladda, Avv. Muumino Sheekh Cumar, oo ah xubin ka tirsan Guddiga Xuquuqul Insaanka.
Sidoo kale, waxaa kulanka qeyb libaax ka qaatay muwaadiniin naafada ah, kuwaas oo si toos ah u bandhigay suโaalaha iyo talooyinka ku saabsan habka ugu habboon ee ay uga qayb qaadan karaan dhammaystirka dastuurka, si xuquuqdooda loogu xaqiijiyo si dhab ah.
Kulankan ayaa muujinaya rajo cusub oo dadka baahiyaha gaarka ah qaba ay ka filan karaan in ay helaan ka-qaybgal siyaasadeed iyo bulsho oo ka mid ah xuquuqda caalamku ku faano.
