Muqdisho.(SONNA);- Wafdi ka socda labada aqal ee Baarlamaanka Soomaaliya oo uu hogaaminayo guddoomiye ku xigeenka 2-aad ee golaha shacabka mudane Cabdullaahi Cumar Abshirow ayaa gaaray magaalada Manama ee caasimadda dalka Baxrayn oo ay uga qayb gelayaan shirka guud ee Baarlamaanka Adduunka.
Sanatarrada iyo xildhibanaannada oo uu wehliyo xoghaya guud ee aqalka sare mudane Cabdinaasir Ibraahim Guuleed ayaa maanta ka qayb galay shirar horudhac ah oo ka dhacay xarunta uu ka furmi doono shirka guud ee Baarlamaanka Adduunka oo sanadkan lagu qabanayo caasimadda Baxrayn ee Manama.
