Muqdisho-(SONNA)-Xeer Ilaaliyaha Guud ee Qaranka Dr Suleymaan Maxamed Maxamuud ayaa taliska ciidanka Asluubta Soomaaliyeed faray in looga baahan yahay in ay warbixin dhameystiran ka keenaan waxii shalay ka dhacay Xabsiga dhexe ee Xamar.
Xeer ilaaliyaha oo ka hadlayay Madasha hoggaaminta wax ku oolka ah ee Hoggaanka sare ee bahda Cadaaladda iyo Garsoorka Soomaaliya oo Kismaayo ka furmay shalay ayaa intaa ku daray in wixii xabsiga dhexe ka dhacay ay ahayd arrin aan la fileyn halisteedana leh, isagoo ku boorriyay saraakiisha jeelka in ay si deg deg ah arrintaasi uga keenaan warbixin dhamaystiran.
“Waa in si deg deg ah warbixin looga keenaa wixii ka dhacay xabsiga dhexe, si ciddii dhacdadaasi masโuulka ka ahayd loola xisaabtamo, si hayโadaheenna aysan u noqon kuwo mar kasta u taagan jileecโ.
Hadalka Xeer ilaaliyaha ayaa imanaya iyadoo shalay ay qaar ka tirsan maxaabiista ku xiran xabsiga dhexe ee Xamar gaar ahaan xubnihii ku xukunnaa dilka ee khawaarijta ay shaqaaqo sababtay dhimasho iyo dhaawac ka geysteen gudaha jeelka.
