Muqdisho (SONNA): Xarun laga qaato kaarka diiwaangelinta dadweynaha ee doorashada ayaa laga hirgeliyay Dekedda Muqdisho, iyadoo ay maanta kormeereen Maareeye ku xigeenada Dakedda Muqdisho Cabdalle Kaarshe, Cali Xaaji iyo Ismaaciil Ow Muuse, waxaana kormeerka ku wehlinayay qaar ka mid ah xubnaha guddiga madaxa banaan ee doorashooyinka Qaranka.
Xarumahaan ayaa loogu tala galay in ay iska diiwaangeliyaan Xoogsatada, Shaqaalaha iyo Ganacsatada Dekedda.
Guddiga doorashooyinka ayaa ku dadaalaya in la kordhiyo xarumaha dalka ee laga qaadanayo kaarka diiwaangelinta dadweynaha.
