Muqdisho(SONNA):-Duqa Magaalada Gaalkacyo Cabdiraxmaan Sh. Xasan Jimcaale oo la hadlay Radio Muqdisho ayaa sheegay in xaalada cudurka Covid-19 ee gobolka ay sii kordheyso.
Duqa ayaa sheegay in guud ahaan gobolka Mudug uu isbitaalka Magaalada Gaalkacyo oo kaliya uu ka shaqeeyo isagoo xusay in isbitaalka uu xitaa ku filnaan karin isla markaana dabooli karin baahida caafimaad ee Magaalada Gaalkacyo.
Sidoo kale waxa uu sheegay in ay aad u hoseeyso wacyiga bulshada ku dhaqan magaalada Gaalkacyo asagoo xusay in dadka ay caadi u booqanayaan qofka qabo cudurka Covid-19 halka ay si caadi ah u duugaan qofkii u dhinto oo uusan jirin taxadar ay muujinayaan.
Duqa magaalada Gaalkacyo ayaa sidoo kale xusay in iyaga oo kaashanayo wasaaradda Caafimaadka ay wadaan dadaal lagu wacyi gelinaayo bulshada ku dhaqan Magaalada Gaalkacyo
