Raadiyo Muqdisho waxaa la aas aasay sanadkii 1951-kii, waxaana lagu aas aasay shaqaale ka kala tirsanaa Soomaali iyo Talyaani, maadaama xilligaasi lagu guda jiray xornimo gaarsiinta, islamarkaana la abuuray hey’adaha dowladda kuwooda ugu muhiimsan, sida Radiyo Muqdisho, maadaama Soomaalida loo diyaarianay inay maamulka dalka la wareegaan marka la gaaro sanadka 1960-kii.
Haddaba Allaha u naxariistee Engineer Xaaji Max’uud Cali Guuleed oo dhawaan kuย geeriyooday laanta 1aad Gen.Daa’uud ee degmada Wardhiigley, ayaaย ka mid ahaa shaqaalihii sanadkii 1951kii lagu aas-aaseyย Radio Mogadishu, Xaaji Max’uud wuxuu ka mid ahaa Farsamayaqaanadii ugu horreeyay Raadiyaha lagu bilaabay ilaa iyo haddana wuxuu ka mid ahaa shaqaalaha waaxda Idaacadda, inkastoo dhowrkii sano ee ugu dambeeyay uu xanuunsanayay.
Marxuum Maxamuud Cali Guuleed wuxuu ka mid ahaa farsamayaqaanadii ugu horreeyay ee ka howlgalay Radio Muqdisho (Codka Jamhuuriyadda Federaalka Soomaaliya), isaga oo shaqadiisa ka bilaabay sanadkii 1950-meeyadii, waxa uu dalka dibaddiisa ku soo qaatay tababbarro kala duwan, gaar ahaan waddamada Jarmalka iyo Talyaaniga, taas oo aqoontiisa u sahashay in uu noqdo madaxii ugu horreeyay ee farsamada Radio Muqdisho, xil uu muddo dheer si hagar laโaan ah u hayay.
Intii lagu guda jiray burburkii dalka, Marxuumku ma uusan ka tegin xarunta Radio Muqdisho, wuxuuna sii watay shaqadiisa iyo taageerada uu u fidinayay bahda Warbaahinta, markii dib loo hawlgeliyey Raadiyaha Qaranka sanadkii 2009-kii, waxa uu ka mid ahaa Odayaashii dhiig cusub iyo talo soo kordhiyey, isagoo mar kale garab istaagay shaqaalaha cusub.
Farsamayaqaanadii ku soo gaaray shaqada Xilliga Dowladdii hore oo ay ka mid ahaayeen Eng. Cabdullaahi Yuusuf, Cusmaan Xaaji Gobdoon (Cusmaan Yare) iyo Maxamed Cabdullaahi Cabdi Sabaax, islamarkaana ka mid ahaa shaqaalihii uu soo tababaray ayaa ka sheekeeyay waxayaabaha lagu xasuusan karo ayay ku sheegeen inuu ahaa Marxuumku โNin Af gaaban, asluub badan, cibaado badan, dad la dhaqankana aad ugu wanaagsanaa, islamarkaana howlkar ahaaโ.
Madaxda Wasaaradda Warfaafinta ayaa xustay kaalinta taariikhiga ah ee Marxuumku ku lahaa dhismaha iyo horumarinta Warbaahinta Qaranka, waxayna tacsi u direen Qoyskiisa, Carruurtiisa, iyo dhammaan bahda Warbaahinta Soomaaliyeed.
Wasiirka Wasaaradda Warfaafinta, Dhaqanka iyo Dalxiiska mudane Mudane Daaโuud Aweys Jaamac, Wasiir Ku-Xigeenka Wasaaradda Cabdiraxmaan Yuusuf Cumar Al-Cadaala, Agaasimaha Guud ee Wasaaradda C/laahi Xayir Ducaale, Agaasimeyaasha waaxyaha iyo shaqaalaha Wasaaradda ayaa tacsi tiiraanyo leh u diray qoyskii, eheladii iyo guud ahaan bahda warbaahinta geerida ku timid Marxuum Eng. Maxamuud Cali Guuleed, oo isniintii ku geeriyooday magaalada Muqdisho.
โAllah ha u naxariisto Marxuumka, Jannadiisana haka waraabiyo, Ehelkiisa iyo dhammaan bahda Warbaahinta Soomaaliyeedna samir iyo iimaan ha ka siiyo,โ ayaa lagu yiri tacsi rasmi ah oo ka soo baxday Wasaaradda Warfaafinta, Dhaqanka iyo Dalxiiska.
INNAA LILLAAHI WA INNAA ILEYHI RAAJICUUN
