Muqdisho (SONNA) Wasiiru Dowlaha Wasaaradda Caafimaadka HE Dr. Maryam Maxamad Xuseen ayaa kulan layeelatay Wafdi kasocday Ururka Islaamka kuwaas oo maalmihii lasoo dhaafay ku sugnaa dalka si ay kulama gaar gaar ah ula qaataan Hay’addaha Dowladda ee ay kala shaqeeyaan hurumarinta adeegyada Bulshada oo kamidyihiin Caafimaadka.
Wafdiga kasocday Ururka Islaamka (OIC) ayaa Wasaaradda lawadaagay howlaha ay ka qabtaan Caafimaadka Soomaaliya iyo qorshahooda ku aadan caawinta dadka Soomaamiyeed.
Wasiiru Dowlaha Wasaaradda Caafimaadka HE Dr. Maryam Maxamad Xuseen ayaa dhankeeda lawadaagtay wafdiga warbixin ku aadan xaaladda iyo howlaha horutabinta uleh Wasaaradda Caafimaadka taasoo tabanaysay sidii adeeg caafimaad oo waafi ah loo gaarsiin lahaa dadka ku tabaaleysan goobaha dib loo xoreeyay iyo deegaanada lama gaaraanka ah iyo guud ahaan dalka Soomaaliya.
