Wasiirka Cadaaladda iyo Dastuurta xukuumadda Federaalka Soomaaliya Xasan Macallin oo ay weheliyaan xubno ka tirsan xukuumadda federaalka ayaa maanta kormeer shaqo ku tegay degmada Howlwadaag ee gobolka Banaadir.
Wasiirka iyo xubnaha kale ayaa si gaar ah u kormeeray suuqa Bakaaraha, halkaas oo ay kula kulmeen dadweyne kala duwan oo isugu jira Ganacsatada Suuqa iyo dadka deegaanka, waxayna shacabka kala hadleen muhiimadda ay leedahay Doorashada, iyagoo ku dhiirageliyay in ay codkooda dhiibtaan.
Wasiir Xasan Macallin oo warbaahinta Qaranka uga warbixiyay ujeedka kormeerkoodu daarnaa ayaa tilmaamay in ay tahay sidii shacabka gobolka Banaadir,gaar ahaan Bulshada Howlwadaag loogu dhiiragelin lahaa in ay ka qeyb qaataan Dooraahada qofka iyo codka ah ee lagu wado in ay ka dhacdo gobolka Banaadir.
” Waa ku faraxsan nahay inaan arko shacab shaqeysanaya oo wejiyadooda laga dheehanayo farxadda doorashada iyo sida ugu heelan yihiin in ay codkooda dhiibtaan,” ayuu yiri Wasiir Xasan Macallin.
