Muqdisho (SONNA)-Wasiirka Wasaaradda Waxbarashada, Hiddaha iyo Tacliinta Sare Xukuumadda Federaalka Soomaaliya Eng Cabdullaahi Abuukar Xaaji, Wasiiru dowlaha Wasaaradda Mudane Cabdiraxman Maxamuud Cabdulle Jaabiri iyo Wasiir ku-xigeenka Wasaaradda Marwo Nuuriye Aadan Ciise, Agaasimaha guud Mudane Maxamed Caabi Xasan ayaa warbixin ka dhageystay guddi Wasaaradda Waxbarashada u xilsaartay soo diyaarinta Waxbarashada muddada 5ta sano ee soo socota, Education Sector Analyisi ESA and Education Sector Strategic Plan ESSP (2021-2025).
Guddiga oo ah khubaro Soomaaliyeed oo Dalka gudahiisa iyo Dibadiisa wax kusoo bartay ayaa ku soo bandhigay madasha howlaha u qabsoomay, waxaana ay sheegeen in ay gabo gabo u marayaan howshii loo igmaday.
Wasiirka Wasaaradda Waxbarashada oo shirka soo xiray ayaa amaanay shaqada wanaagsan oo ay Ummadda Soomaaliyeed u qabteen guud ahaan, gaar ahaan Bahda Waxbarshada oo baahi weyn u qabta barnaamijkaan lagu horumirnayo Waxbarshada Dalka, waxaana uu u balan qaaday wax kasta oo ay u baahdaan iyada oo lala kaashanayo Xukuumadda Federaalka Soomaaliya iyo Bulsha waynta Soomaaliyeed.
