Muqdisho.(SONNA):- Guddoomiyaha Hay’adda Maareynta Musiibooyinka (SoDMA) Md. Maxamuud Macallin Cabdulle, ayaa xarunta dhexe ee Hay’adda ku soo dhaweeyay Wasiirka Wasaaradda Degaanka iyo Isbeddalka Cimilada, Sareeye-Guud Bashiir Maxamed Cabdi (Bashiir Goobbe). Booqashadan ayaa timid xilli Wasiir Bashiir uu maanta si rasmi ah ula wareegay xilka Wasaaradda.
Wasiirka waxaa is faahfaahsan warbixin looga siiyay Xarunta Qaran ee Bixisa Digniinaha Halis Wadareedka, halka lala wadaagay xaaladaha abaaraha bilowga ah ee ka jira inta badan gobollada dalka.
Guddoomiyaha Hay’adda SoDMA Maxamuud Macallin ayaa wasiirka cusub ugu rajeeyay guul, wada-shaqeyn dhow iyo is-kaashiga wanaagsan, halka Wasiirku ballan-qaaday inuu wada shaqeyn dhab ah la yeelan doono Hey’adda SoDMA.
