Muqdisho- (SONNA)-ย Wasiirka wasaaradda warfaafinta ee xukuumadda Federaalka Soomaaliya mudane Cismaan Abuukar Dubbe ayaa maanta xafiiskiisa kulan kula yeeshay madaxa istiraatiijiyada warbaahinta xafiiska Qaramada Midoobay ee Soomaaliya UNSOM mudane Ari Gaitanis.
Kulanka oo ay labada masโuul ku wehlinayeen agaasimaha guud ee wasaaradda warfaafinta mudane Cabdinaasir Xuseen iyo qaar kamid ah agaasime waaxeedyada wasaaradda, ayaa waxaa looga hadlay dardar gelinta wada shaqeynta dhaw ee ku aaddan doorashooyinka dalka iyo iskaashiga labada dhinac, oo ay garwadeen ka tahay wasaaradda warfaafinta dhaqanka iyo dalxiiska.
Madaxda istaraatiijiyada warbaahinta xafiiska UNSOM mudane Ari Gaitanis ayaa Madaxda wasaaradda warfaafinta ku ammaanay shaqada culus ee ay ka hayaan wasaaradda gaar ahaan warbaahinta Qaranka iyo u diyaar garowga doorashooyinka dalka.
Wasiirka warfaafinta Mudane Cismaan Abuukar Dubbe ayaa sheegay in warbaahintu ay dowr muhiim ah kaga jirto doorashooyinka dalka,wasaaradduna ay tahay hoggaanka warfidiyeenka dalka, isagoo xafiiska warbaahinta UNSOM uga mahadceliyay booqashadooda.
