Midship,(SONNA):- Wasiirka Shaqada iyo Arrimaha Bulshada ee Xukuumadda Federaalka Soomaaliya, Mudane Yuusuf Maxamed Aadan, ayaa maanta kulan wax ku ool ah la qaatay Safiirka Boqortooyada Sacuudi Carabiya u fadhiya Soomaaliya, Mudane Mohamed Bin Ahmed Al Muwallad.
Labada masโuul ayaa ka wada hadlay xoojinta xiriirka iyo iskaashiga labada dal ee xubnaha ka wada ah Jaamacadda Carabta, iyo sidii sare loogu qaadi lahaa dhinacyada shaqada iyo arrimaha bulshada.
Wasiirka Shaqada iyo Arrimaha Bulshada, Mudane Xildhibaan Yuusuf Maxamed Aadan, ayaa bogaadiyay iskaashiga xooggan ee ka dhexeeya Soomaaliya iyo Sacuudi Carabiya, isagoo si gaar ah diiradda u saaray dardargelinta heshiiskii shaqo-siinta dibadda ee dhawaan ay kala saxiixdeen labada dal.
