Muqdisho,(SONNA):-Wasiirka Wasaaradda Shaqada iyo Arrimaha Bulshada Mudane Dr. Maxamed Cilmi Ibraahim iyo Guddoomiyaha Guddiga Qaranka Shaqaalaha Rayidka ,Mudane Xasan Abshirow Maxamed oo maanta kulan ku yeeshay xarunta Guddiga Qaranka Shaqaalaha ayaa kawada hadlay arrimaha maamulka & maareynta Shaqaalaha.
Intaa ka dib, Wasiir Dr Maxamed Cilmi iyo Guddoomiye Abshirow ayaa la kulmay Guddiga Tirokoobka iyo Diiwaangelinta Shaqaalaha, ayagoo ka dhageystay warbixibta wajiga labaad ee tirokoobka shaqaalaha dowladda.
Guddomiyaha Guddiga Tirokoobka, Mudane Axmed Maxamed Xasan ayaa soo jeediyay warbixinta wajiga labaad ee tirokoobka shaqaalaha, warbaxinta tirokoobka ayaa lagu soobandhigay horumarada laga sameeyay tirokoobka shaqalaha iyo caqabadihii la diiwaangeliyay inta uu socday tirokoobka, ayadoo talooyinkana lala wadaagay madaxda.
Ugu dambayn, Wasiirka ayaa hoosta ka xarriiqay in Wasaaradda Shaqada iyo Arrimaha Bulshada iyo guud ahaan Xukuumadda ay ka go’antahay dedejinta iyo dhammeystirka arrimaha dib u habeynta shaqaalaha oo muhiimad weyn u leh qaranka. Wasiirka ayaa sidookale Guddiga Tirokoobka uga mahadceliyey shaqooyinka muhiimka ah ee aay u soo qabteen qaranka.
