Muqdisho-(SONNA)-Wasiirka Wasaaradda Kalluumeysiga iyo Dhaqaalaha Buluugga ah ee XFS Mudane Axmed Xasan Aadan ayaa qaabilay ganacsato isugu jirta Soomaaliyeed iyo Koonfur Afrikaan, kuwaas oo ka qayb galay munaasabad lagu soo bandhigay fursadaha ballaaran ee ka jira kalluumeysiga dalka.
Wasiirka Wasaaradda Kalluumeysiga ayaa sheegay in sharciyada la xiriira ganacsiga kalluumeysiga la dhammeystiray, taas oo fududeynaysa in si rasmi ah loo hirgeliyo maalgashi gudaha dalka ah.
Wuxuu xusay wasiirku in wasaaraddu diyaar u tahay in ay taageerto dhamaan dhinacyada u baahan maalgashiga, sida dekadaha, qaboojiyeyaasha, doomaha kalluumeysiga iyo agabka kale ee muhiimka u ah horumarinta dhaqaalaha badda.
Wasiirka ayaa tilmaamay in dowladda Shiinaha ay si gaar ah u cafisay canshuurta gudaha ee kalluunka laga dhoofiyo Soomaaliya, haddii shirkadda dhoofinaysa ay leedahay Soomaali ama ay wada leeyihiin Soomaali iyo ajaanib, wuxuuna arrintan ku tilmaamay fursad muhiim ah oo u baahan in laga faaโiideysto.
Kulankan ayaa qeyb ka ah dadaallada joogtada ah ee wasaaradda ku dooneyso in la xoojiyo iskaashiga ganacsi ee u dhexeeya Soomaaliya iyo saaxiibada caalamiga ah.
