Muqdisho (SONNA)-Wasiirka Kalluumeysiga iyo Khayraadka Badda ee Xukuumadda Federaalka Soomaaliya Mudane Cabdullaahi Bidhaan Warsame, ayaa maanta booqday Safaaradda dowladda Shiinaha ay ku leedahay magaalada Muqdisho.
Wasiirka ayaa kulan la qaatay safiirka Shiinaha u fadhiya Soomaaliya, waxuuna la wadaagay sida uu uga xunyahay cudurka dilaaga ah ee Corona ee ka dillaacay dalka Shiinaha.
Mudane Bidhaan ayaa sidoo kale safiirka la wadaagay sida dowladda Soomaaliyeed ay kalsooni ku qabto in dowladda Shiinuhu ay ku guuleysaneyso dadaalka ay ugu jirto soo af-jaridda cudurka.
Dowladaha Shiinaha iyo Soomaaliya ayaa leh xariir qota dheer oo soo jireen ah, kaas oo ku dhisan iskaashi iyo is-ixtiraam.
