Nairobi (SONNA): Wasiirka Wasaaradda Hawlaha Guud, Dib u Dhiska & Guryeynta DFS Dr. Cilmi Maxamuud Nuur & wafdi uu hogaaminayo oo safar shaqo ku jooga magaalada Nairobi ee dalka Kenya ayaa waxa uu kulan la yeeshay Oumar Sylla agaasimaha qaaradda Afrika ee Haayadda UN-Habitat.
Intii uu kulanku socday ayaa labada dhinac waxa ay kala saxiixdeen heshiiska iskaashiga (AOC) oo lagu dhaqan gelinayo siyaasadda guryeynta ee Soomaaliya.
Wasiirka Wasaaradda Hawlaha Guud, Dib u Dhiska & Guryeynta DFS Dr. Cilmi Maxamuud Nuur & wafdigiisa ayaa ka qayb galaya shirwaynaha guud ee UN-Habitat (UN-habitat General Assembly).
Sanadkan Wasiirka wasaaradda Hawlaha Guud Dr Cilmi Maxamuud Nuur waxa uu dedaal dheer ugu jiraa in Soomaaliya kamid noqoto golaha sare ee fulinta UN-Habitat.
