Muqdisho (SONNA):- Wasiirka Ganacsiga iyo Warshadaha XFS Xildhibaan Jibriil Cabdirashiid Xaaji Cabdi, ayaa maanta booqasho ku tagay Warshadda Cocacola oo soo saarta noocyada kala duwan ee biyaha, iyo cabitaanada taas oo ku taala waddada Warshada ee magaalada Muqdisho.
Ujeedka ย booqashada Wasiirka ayaa daarneed dhiirigelinta maalgashiga ganacsatada Soomaaliyeed ay ka samaynayaan gudaha wadanka taas oo kor u qaadaysa dhinacyada wax-soo-saarka, shaqo abuurka, iyo kobaca dhaqaalaha inta ba.
Wasiirka oo booqashadiisan uu ku wehelinayey Wasiir ku xigeenka Wasaaradda Xildhibaan Cusmaan Maxamed Cabdi (Daalo), ayaa waxa ay halkaas ugu kuur-galeen noocyada wax soo saarka Warshadda, qeybaha cusub ee lagu soo kordhiyey, iyo inay wax ka oggaadaan sidoo kale na la socdaan heerka uu gaarsiisan yahay daboolista baahida suuqa oo ah mid aad ugu filan dalka.
Wasiirka Ganacsiga iyo Warshadaha XFS Xildhibaan Jibril Cabdirashiid Xaaji Cabdi oo warbaahinta la hadlay ayaa boggaadiyey in ganacsatadan Soomaaliyeed ay ku dhiiratay inay Maalgashadaan dalkooda oo ay daboolaan baahida ka jirta suuqa.
โWaxa aan rabnaa in aanu ganacsatada ugu baaqno in ay hadda ka dib ay u soo jeestaan in ay dalkooda maalgashtaan gaar ahaan warshadaha, sababtoo ah imika warshadan iyo qeybtii hore ee aan soo marnay ba waxa ka shaqeeya kuman yaal qof, sidoo kale, waxay kor u qaadi doontaa wax soo saarkii dalka, runtii na aad baan ugu faraxsanahay ugu na dhiirigelinaynaa,โ sida uu yiri Wasiirka Ganacsiga iyo Warshadaha XFS.
Maamulaha Guud ee shirkadda Mudane Cawil Tooxow Qeyre, oo wafdiga wasiirka halkaas ku soo dhaweeyey, ayaa sheegay in ka Warshad ahaan ay soo kordhiyeen qeybo cusub oo ka tirsan Warshadda Cococola isla-mar-ahaantaana ay hada ku filan yihiin daboolista baahida ka jirta suuqa oo ay soo saari karaan dhammaan qeybaha kala duwan noocyada cabitaanada.
