Muqdisho (SONNA)-Wasiirka Wasaaaradda Gaashaandhigga Xukuumadda Federaalka Soomaaliya Mudane Xasan Xuseen Xaaji ayaa oo uu wehliyo Taliyaha Ciidanka Dhulka Xoogga Dalka Soomaaliyeed Jeneraal Maxamed Tahliil Biixi ayaa maanta Kormee Waxay ku tageen Xarunta Taliska Ciidanka Badda iyo Ilaaladda xeebaha, Waxaana halkaasi ku soo dhaweeyay Taliyaha Ciidanka Badda iyo Ilaalinta Xeebaha Jeneraal Cabdixamiid Dirir, Cutubyo ka tirsan Ciidanka Badda ayeyna Salaan sharaf ka qaateen.
Wasiirka Wasaaradda Gaashaandhigga XFS ayaa goob fagaare ah kula hadlay Cutubyo ka tirsan Ciidanka Badda, isagoo Sheegay in dawladda Soomaaliya ay wado qorshe Xooggan oo lagu horumarinayo Ciidamada qalabka sida, qeybna ay ka yihiin geesiyaasha u taagan Difaaca Qarannimada iyo gobanimada dalka.
Dhanka kale Wasiirka wasaaradda Gaashaandhigga Soomaaliya Mudane Xasan Xuseen Xaaji ayaa Taliyaha Xoogga Dalka Soomaaliyeed Jeneraal Odowaa Yuusuf Raage ka dhageystay Warbixin la Xiriirta Howlgalada Ciidanka xoogga dalka ay ka wadan Guud ahaan Dalkeenna.
.
Ciidanka Xoogga Dalka oo u taagan Difaaca dalka ayaa howlgalo joogto ah ka wada Qaar ka mid ah gobalada dalka , Waxaana Saacadihii la soo dhaafay Ciidanka ay la wareegeen goobo hor leh oo ay argagixisadda ku dhibaataynayeen shacabka Soomaliyeed.
