Sucuudi Carabiya (SONNA)-Wasiirka wasaaradda dhalinyarada iyo ciyaaraha XFS Mudane Xil Maxamed Barre Maxamuud ayaa magaalada Riyaad ee Boqortooyada Sucuudi Carabiya kaga qayb-galay Shirweyne looga hadlayay anshaxa iyo nazaahada( dhowrsanaanta) ciyaaraha oo uu marti geliyay Wasiirka ciyaaraha ee Boqortooyada Sucuudi Carabiya Amiir Abdulaziz Bin Turki Al-Faysal.
Shirweynahan oo ahaa mid caalamiya ayaa diirrada lagu saaray sidii ciyaaraha looga ilaalin lahaa Musuqmaasuqa iyo in laga hortago isticmaalka maadooyin darooga ah oo ciyaaryahnada qaarkood isticmaalaan si ay firfircooni dheeraad ah uga helaan.
Wasiirka waxaa kulamadiisa ku wehelinayay danjiraha Soomaaliya ee Boqortooyada Sucuudi Carabiya Amb Saalim Macow Xaaji iyo xubno ka mid ah la-taliyayaasha Wasiirka.
