Muqdisho (SONNA): Wasiirka Wasaaradda Cadaaladda iyo Arrimaha Dastuurka ee Xukuumadda Federaalka Soomaaliya, Mudane Xasan Macallin Maxamuud, ayaa maanta kulan muhiim ah la qaatay Danjiraha Dowladda Turkiga ee Soomaaliya, Mudane Alper Aktaş.
Kulanka oo ay ka qeyb galeen mas’uuliyiin ka tirsan Wasaaradda Cadaaladda iyo Taliyaha Hogaanka Baarista Dembiyada (CID), Col. Muxyidiin Axmed Cismaan, ayaa lagu lafaguray xoojinta iskaashiga labada dal ee dhanka cadaaladda iyo sharciga, gaar ahaan wada shaqeynta hay’adaha garsoorka iyo horumarinta adeegyada cadaaladda.
Ugu dambeyn, Wasiir Xasan Macallin ayaa uga mahadceliyay Dowladda iyo shacabka Turkiga wadashaqeynta iyo taageerada joogtada ah ee ay la garab taagan yihiin Dowladda iyo shacabka Soomaaliyeed.
