Muqdisho (SONNA): Wasiirka wasaaradda Caddaaladda iyo arrimaha Dastuurka Xukuumadda JFS mudane Xasan Macallin Maxamuud ayaa maanta kulan mirodhal ah la yeeshay Wasiirada Dastuurka Dowlad Goboleedyada kaas oo looga hadlay geedi socodka dhammaystirka Dastuurka oo ah howlaha hortabinta u leh xukuumadda.
Kulanka ayaa looga hadlay guulaha laga gaaray Dastuurka oo ay ka midyihiin in la dhammaystiray warbixintii cutubyada 5 โ 9aad ee dastuurka iyo in loo gudbiyay Guddiga Dastuurka ee Baarlamaanka, iyada oo baarlamaanku horey u ansixiyay cutubbada 1-4aad ee Dastuurka.
Sidoo kale, kulanka ayaa looga hadlay sidii loo dardargelin lahaa latashiyada cutubyada harsan ee 10-15aad ee Dastuurka. Wasiir Xasan Macallin ayaa sheegay in xukuumadda ay ka goโantahay dhammaystirka dastuurka islamarkaana ay ka shaqaynayaan sidii loo dardargelin lahaa diyaarinta farsamo ee cutubyada harsan si baarlamaanka loogu gudbiyo.
Dhanka kale, wasiirada dastuurka dowlad-goboleedyada ayaa ka warbixyay guulaha ay ka gaareen latashiyada daastuurka iyo qorshayaasha hortabinta u leh, iyaga oo ballanqaaday in si dhow ala shaqayn doonaan wasaaradda iyo Gudiyadda Dastuurka si loo dhamaystiro Dastuurka.
