Geneva (SONNA): Wasiirka Wasaaradda Caafimaadka iyo Daryeelka Bulshada ee Xukuumadda Federaalka Soomaaliya, Dr. Ali Haji Adam, ayaa maanta ka qeyb galay furitaanka Shirweynaha 78-aad ee Caafimaadka Adduunka, oo si rasmi ah uga furmay magaalada Geneva ee dalka Switzerland.
Wasiirka waxaa safarkiisa ku wehliyay Agaasimaha Guud ee Wasaaradda Caafimaadka XFS, Dr. Guuleed Cabdijaaliil, Agaasime waaxeedyo ka tirsan Wasaaradda Caafimaadka iyagoo matalaya Jamhuuriyadda Federaalka Soomaaliya kana qayb qaadanaya doodaha iyo goโaamada muhiimka ah ee shirka.
Shirweynahan oo sanad walba ay isugu yimaadaan madaxda Caafimaadka ee caalamka ayaa sanadkan diiradda saaraya horumarinta nidaamyada daryeelka Caafimaadka, xoojinta iskaashiga caalamiga ah iyo diyaarinta istaraatiijiyado lagu wajahayo caqabadaha Caafimaad ee dunida ka jira.
Wasaaradda Caafimaadka XFS waxaa ka goโan in ay sii waddo ka shaqeynta horumarinta adeegyada Caafimaadka dalka iyo ka qeyb qaadashada madalaha Caalamiga ah ee lagu hormarinayo Caafimaadka guud ahaan ee dalka.
