Muqdisho (SONNA): Wasiirka Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya, Mudane Cabdisalaam Cabdi Cali ayaa magaalada Muqdisho ku qaabilay safiirka cusub ee Boqortooyada Ingiriiska u fadhiya Soomaaliya Mudane Charles King, Kaas oo diiradda lagu saaray xoojinta xiriirka laba geesoodka ah iyo iskaashiga dhinacyada amniga, siyaasadda, iyo horumarinta.
Labada masโuul ayaa si qoto dheer uga wada hadlay xaaladda kala guurka amniga Soomaaliya, iyagoo si gaar ah u qiimeeyay doorka muhiimka ah ee Boqortooyada Ingiriisku ku leedahay taageerada Hawlgalka Xasilinta Midowga Afrika ee Soomaaliya (AUSSOM), kaas oo beddelay hawlgalkii ATMIS.
Waxaa la isla qaatay in ay muhiim tahay in UK ay sii waddo taageeridda ciidamada nabad ilaalinta, si ay uga qeyb qaataan la-dagaallanka Al-Shabaab iyo xoojinta xasilloonida guud.
Kulankan waxaa sidoo kale lagu falanqeeyay sidii loo sii xoojin lahaa xiriirka labada dal, kaas oo muujinaya sida Soomaaliya iyo UK uga goโan tahay xoojinta xiriirkooda diblomaasiyadeed iyo iskaashiga dhinacyada amniga iyo horumarinta.
