Muqdisho(SONNA) Munaasabadan oo isugu jirtay furitaanka tababar aqoon kororsi ah iyo xiritaanka isla tababar kale oo kaasi lamid ahย loogunatalagay qaar kamid ah wariyeyaasha Warbaahinta Qaranka,kuwa Madaxa banana iyo kuwo ka socday dowlad gobaleedyada waxaa ka qeybgalay wasiir ku xigeenka warfaafinta Xukuumadda Soomaaliya mudane Xil Aadan Isxaaq Cali Agaasimaha guud ee wasaaradad C/raxmaan Sheekh Yuusuf Al-Cadaala,agaasimeyaasha waaxyaha TV,Radiomuqdisho,SONNA& Wargeyska,shaqaaalaha iyo Tababarada oo soo qaban qaabisay iyo Dalxiiska.
Qeybta koowaad ee Tababarkan oo ay bixinayeen macalimiin ka socotay Machadka Aljazeera ee Dalka Qatar uuna soo xirey wasiir kuxigeenka warfaafinta waxaa ka faaโidaystay wariyeyaal gaaraya 15 oo ka tirsan Warbaahinta Qaranka,kuwaasi oo la guddoonsiiyay shahaadooyinkooda,iyadoo sidoo kale qeybta labaad loo furay 20 wariye oo ka kala socota Warbaahinta Qaranka,kuwa Madaxa banana iyo kuwa dowlad gobaleedyada.
โWaxaa noo Soo dhamaaday Maanta tababar qiimo badan oo ay qaateen wariyaal ka tirsan Wasaradda warfaafinta Oo gaaraya 15 wariye, Waxaa bixiyay macalimiin nooga timid machadka Aljazaara, Waxaana Sido kale wasiir ku xigeenka noo furay tababar kale oo ay qaadan doonaan 20 wariye oo qaybaha warbaahinta kala duwan ka yimid, Waxaan u mahad celinayaa Cid kasta oo gacan ka gaystay In uu hirgaloโ. Ayuu yiri Agaasimaha waaxda Shaqaalaha iyo Tababarada ee wasaaradda Warfaafinta C/rixiin Ciise Caddow.
Agaasimaha guud ee wasaaradda Warfaafinta Dhaqanka iyo Dalxiiska mudane C/raxmaan Sheekh Yuusuf Alcadaala oo ka hadlayay munaasabaddaasi ayaa ku booriyay Wariyeyaasha tababarkaasi qaatay in aqoontii la baray ay ugu adeegaan bulshadooda,wuxuuna mahad u celiyay macalimiintii qeybta ka qaadatay tababarkan.
Ugu dambeyntii Wasiir ku-xigeenka wasaaradda Warfaafinta Dhaqanka iyo Dalxiiska mudane Xil Aadan Isxaaq Cali ayaa ku ammaanay maamulka wasaaradda sida ay isaga xil saareen sare u qaadista aqoonta Wariyeyaasha,Wuxuu sidoo kale ku bogaadiyay suxufiyiintana in ay laba jibaaraan kordhinta heer koodi aqooneed,uguna adeegaan Bulshada.
Wasiir Aadan ayaa uga mahad celiyay macalimiintii ka socotay Dalka Qatar,gaar ahaan machadka Aljazeera sida ay waqtigoodi ay ugu soo hureen in ay tababar siiyaan Wariyeyaasha Soomaaliyeed,taasi oo uu ku tilmaamay tallaabo aad u muhiimsan.
Wasaaradda Warfaafinta Soomaaliya ayaa dadaal ugu jirtay sidii loo horumarin lahaa Tayada Warbaahinta Dalka,si Bulshada loogu hago dhabaha horumarka.
