Kuwait city-(SONNA)-Wasiirka Maaliyadda XFS Mudane Biixi Imaan Cige ayaa magaalada Kuwit city kula kulmay diggiisa dalka Kuwait Marwo Eng. Nuura Sulaiman Al-Fassam iyo saraakiil sare oo wasaaradda maaliyadda dalkaasi ka tirsan.
Kulanka oo miro-dhal ahaa ayaa labada dhinac waxa ay si gaar ah u dul istaageen arrimaha maalgalinta iyo ganacsiga oo madaxda dowladda Soomaaliya ay dhawaanahaanba juhdi gaar ah ku wadey sidii loo maalgalin lahaa ilaha soosaarka dhaqaalaha dalka.
Wasiirka Maaliyadda XFS ayaa uga mahadceliyay dowladda Kuwait taageeradeeda taariikhiga ah ee ay ku laheyd hannaankii deyn cafinta Soomaaliya, waxaa kale oo uu ballan qaaday in ay xoojinayaaan xiriirka wada shaqeyneed ee ay ka dhexeeya Soomaaliya iyo Kuwait si loo kobciyo dhaqaalaha iyo qorshayaasha maalgalineed ee u dagsan dowladda Soomaaliya.
