Maka,(SONNA):-War ka soo baxay Wasaaradda Arrimaha Xajka iyo Cumrada Boqortooyada Sacuudi Carabiya ayaa loogu digay shirkadaha ku shaqeysta hanaanka been abuurka dal ku galka, kuwaas oo baraha bulshada ku xayaysiiya adeegyadooda been abuurka ah.
Wasaaradda ayaa u tilmaamtay dadka Muslimiinta ee sanadkan 1445/2024 doonaya inay xajiyaan inay adeegyadooda ay u doontaan xaafiisyada rasmiga ah ee la siiyay ogalaasha bixinta xajka,kuwaas oo ah cidda kali ah ee xaqa u leh bixinta adeegyo sax ah,iyadoo uga digtay inay ku dhacaan kuwa dadka dhaca ee bixinaya adeegyo sax aanan aheyn.
Shirkadaha been abuurka ah ayaa ku shaqeysta baraha bulshada,iyagoo dadka la wadaagaya macluumaadyado been abuur ah,iyagoo sheegaya inay ogalaasha rasmi ah ka heystaan wasaaradda Xajka iyo Cumrada ee Boqortooyada Sucuudi Carabiya,taasoo ah mid aanan waxba ka jirin.
Dhanka kale,Wasaaradda Xajka iyo Cumrada Boqortooyada Sucuudi Carabiya ayaa ku boggaadisay dadaalka ay hayโadda Sare ee Arrimaha Xajka iyo Cumrada dalka Ciraaq kaga hortagtay qaar kamid ah shirkadaha been abuurka ku shaqeyta,iyadoo xirtay in ka badan 25 shirkadood oo been abuur ah.
Wasaaradda Arrimaha Xajka iyo Cumrada ee Boqortooyada Sucuudi Carabiya ayaa ugu baaqday dalalka Islaamka inay la dagaalamaan kuwa caadeystay ku shaqeysiga been abuurka,waxayna dadyoowga Adduunka ee doonaya inay xajiyaan sanadkaan ku adkeysay ka fejignaanta halista shirkadahaas ku shaqeysta hanaanka qaldan ee dadka lagu dhacayo.
