Muqdisho(SONNA) Doodan oo ku saabsan arrimaha doorashooyinka Dalka ayna soo qaban qaabisay Wasaaradda Warfaafinta XFS ayaa lagu qabtay xarunta wasaaradda.
Waxaa ka qeybgalay guddoomiyaha guddiga doorashooyinka Qaranka Xaliimo Ismaaciil (Xaliimo yarey),Senator Xuseen Sheekh Maxamuud iyo Cadirashiid Khaliif Xaashi agaasimaha Machadka heritage oo ahaa guddiga dooda waday.
Dooda oo ahayd mid xiiso badan waxaa sidoo kale ka qeybgalayay oo kor joogto ka ahaa Wasiirka Warfaafinta XFS mudane Maxamed Cabdi Xayir (Maareeye) xildhibaano,aqoonyahanno,bulshada Rayidka suda haweenka,dhalinyarada,iyo sidoo kale xubno kale oo matalayay xisbiyada siyaasadeed ee dalka kajira.
Waxaa siweyn loo falanqeeyay suuro galnimada qaabka ay noqonkarta doorashada Dalka,kadib marka la dhameystiro shuruucda iyo habraacyada doorashooyinka dalka.
Dadwynihii ka qeybgalay dooda ayaa talooyinka kaladuwan soo jeediyay,sida ammaanka,dhaqaaale ahaan,in bulshada la wacyigeliyo lana fahamsiiyo nidaamka doorashada iyo kuwo kale.
Mudane Maxamed Cabdi Xayir Maareeye oo soo xirey doodan ayaa balanqaaday in masraxan wasaaraddu ay hirgelisay uu kulmi doono dhamaan hay’adaha dowladda iyo qeybaha bulshada.
