Muqdisho(SONNA):-Wasaaradda Warfaafinta, Dhaqanka iyo Dalxiiska, Jamhuuriyadda Federaalka Soomaaliya ayaa caawa qabatay munaasabad lagu abaal-mariyey tartamayaasha degmooyinkii kaalimaha hore ka galay tartan cilmiyeedkii bishii Ramadaan ay qabatay Warbaahinta Qaranka Soomaaliyeed.
32 Degmo oo qaarkood dhowaan laga xoreeyey kooxaha Khawaarijta ah ayaa ka qeyb galay tartankaas, waxaana caawa la abaal-mariyey tartamayaashii degmooyinka 1-Laascaanood, 2-Xamarweyne iyo 3-Ceeldheer oo soo galay 3-da kaalimood ee ugu horeeya tartankii ay qabatay Warbaahinta Qaranka Ramadaankii lasoo dhaafay.
