Muqdisho (SONNA) Wasiirka wasaaradda qorsheynta, maalgashiga iyo horumarinta dhaqaalaha xukuumadda Federaalka Soomaaliya mudane Maxamuud Cabdiraxmaan Sheekh Faarax (Beenebeene) ayaa maanta Muqdisho ka daah furay shir lagu dardargalinayo qabashada tirakoobka Qaranka.
Wasiirka ayaa shegay in tirakoobku aad muhiim ugu yahay horumarka dalka iyo in laga fuliyo mashaariic waxtar leh, maadaama la ogaanayo tirada saxda ah ee bulshada soomaliyeed, taas oo lagu salaynayo qorsheynta bixinta adeegyadda dowladda.
Shirka oo ay qeyb ka ahaayen wasiirada wasaaradaha qorsheynta ee dowlad goboledyada xubnaha ka ah dowladda Federaalka (Galmudug, Hirshabelle, Konfur Galbeed, Jubaland) iyo madaxa Hayโada UNFPA Soomaaliya ayuu wasiirka ku booriyey wasiirada inay si mugleh uga qeyb qaataan qabashada tirakoobka.
Ugu dambeyn, wasiirka ayaa uga mahadceliyay agaasimaha guud ee Hayโadda Istaatistikada Qaranka mudane Sharmarke Faarax, Ku-xigeenka agaasimaha guud mudane Cabdiraxmaan Cumar Daahir Iyo dhammaan hawlwadeenada Hayโadda hawsha quruxda badan oo ay Qaranka u hayaan.
