Muqdisho (SONNA)-Wasaaradda Caafimaadka Xukuumadda Federaalka Soomaaliya ayaa warbixinta maalinlaha ah ee xogta Feyruska Karoona waxay ku xaqiijisay in 24-kii saac ee ugu dambeeyay guud ahaan dalka laga diiwaan geliyay 58ย xaalado cusub oo COVID-19. Waxaa cudurka ka bogsoodayย 12ย qof, mana jirto qof u dhintay cudurka oo ay Wasaaraddu sheegtay.
Wasiirka Caafimaadka iyo Daryeelka Bulshada Xukuumadda Federaalka Soomaaliya, Marwo Fowziya Abiikar Nuur ayaa caddeysay inย 49ย kamid ah bukaannada la xaqiijiyay ay rag yihiin halkaย 9-ka kale ay yihiin haween.
32ย ka mid ah bukaannada cusub waxaa laga diiwaan geliyay Gobalka Banaadir, Hirshabeelleย 11, Somaliland,ย 8ย ย Galmudugย 3, Puntlandย 2, Koonfur Galbeedย 1ย iyo Jubbalandย 1ย qof.
Tirada xaaladaha COVID-19 ee dalka laga diiwaan geliyay ayaa gaartayย 2,204ย waxaa bogsootay guud ahaanย 418ย ruux. Halkaย 79ย ruux oo kale ay u geeriyoodeen cudurka.
Marwo Fowziya Abiikar Nuur ayaa ugu baaqday mawaadiniinta Soomaaliyeed guud ahaan inay qaataan talooyinka caafimaad iyo wacyi gelinta looga digayo qatarta cudurka, qaybta uga aadanna ay ka qaataan dadaallada ka hor tagga iyo xakeynta Feyruska Karoona.
