Muqdisho (SONNA): 1- Madaxweyne Xasan Sheekh Maxamuud oo Ciidamada Qalabka Sida mar kale ku amaaney geesinimada ay muujiyeen intii ay socdeen hawlgalada milateri ee ka dhanka ah Khawaarijta Al Shabab, isagoo dhanka kale ka dalbadey shacabka ay taageero buuxda u fidiyaan ciidanka.
2- Shirkii 7aad ee Golaha Wadatashiga Qaranka oo uu shir guddoominayay Madaxweyne Xasan Sheekh Maxamuud oo lagu soo gabagabeeyay magaalada Dhuusamareeb, laguna taageeray dagaalka ka dhanka ah Khawaarijta Al Shabab.
3- Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka hadley shirka Golaha Wadatashiga Qaranka ayaa ku baaqay in loo kala harin ciribtirka Khawaarijta.
4- Madaxweyne Xasan Sheekh Maxamuud oo haweenka Soomaaliyeed ku bogaadiyay doorkooda dagaalka dalka looga xoreynayo Khawaarijta
5- Guddoomiyaha Golaha Shacabka Baarlamanka Federaalka Mudane Sheekh Aadan Maxamed Nuur ayaa bogaadiyay Ciidanka Qalabka Sida ee dagaalka kula jira haraadiga Khawaarijta Al Shabab.
6- Raโiisul Wasaaraha Soomaaliya Mudane Xamsa Cabdi Barre, ayaa tababar ugu soo xiray saraakiil ka tirsan Ciidanka Xoogga Dalka Soomaaliya, Kulliyadda Tababarka Ciidamada ee TurkSom ee magaalada Muqdisho.
7- Raโiisul Wasaare Xamsa Cabdi Barre oo la kulmay Danjiraha Qatar ee Somalia, kana wadahadlay iskaashiga labada dal.
8- Golaha Wasiiradda Soomaaliya, ayaa ansixiyay magacaabista saddex xubnood oo ka mid noqonaya Guddiga Sare Bangiga Dhexe.
9- Raโiisul Wasaare Ku-Xigeenka Soomaaliya Mudane Saalax Axmed Jaamac oo kulan la qaatay guddiga xasillinta degaannada laga xoreeyay Khawaarijta.
10- Raโiisul Wasaare Ku-Xigeenka Soomaaliya Mudane Saalax Axmed Jaamac oo daah-furay shir ku saabsan isku-duwidda deeqaha.
11- Wasiirka Arrimaha Dibadda Soomaaliya Mudane Abshir Cumar Jaamac oo Koonfuur Afrika kaga qeybgalay shir madaxeedka BRICS, kulamana la qaatey madax shirkaasi ka soo qeybgashey.
12- Wasiirka Qorsheynta Soomaaliya Mudane Maxamuud Cabdiraxmaan oo kulan la yeeshay Guddiga Maaliyadda ee Golaha Shacabka ee Baarlamanka.
13- Wasaaradda Maaliyadda Soomaaliya oo Golaha Shacabka u gudbisay xisaab -xirka dowladda ee sanadka 2022-ka.
14- Ciidanka Xoogga Dalka iyo saaxiibada caalamka oo hawlgal ka fuliyay degmada Aw-Dheegle een Awdheegle ee Gobalka Shabeellaha Hoose ku dlay 27 Khawaarij ah,
15- Guddoomiyaha Hayโadda Maareynta Masiiboyinka Qaranka (SoDMA), Mudane Maxamuud Macalin Cabdulle ayaa guddoomiyey kulan looga hadlay xasilinta iyo isku-duwidda arrimaha gargaarka ee degaannada laga xoreeyey khawaarijta.
16- Ciidamada Xoogga Dalka oo si buuxda ula wareegay deegaanka Dac ee Gobolka Galguduud
17- Wasaaradda Warfaafinta, Dhaqanka iyo Dalxiiska Xukuumada Federaalka Soomaaliya oo daahfurtey qorshe shaqaalaha wasaaradda ay kaalintooda uga qaadanayaan dagaalka lagula jiro Khawaarijta, gaar ahaan dhanka fariimaha baraha bulshada.
18- Maxkamadda Gobolka Banaadir oo wali wadda dhegeysiga dacwad ka dhan ah eedaysanayaal loo haysto musuqmaasuqa hantida guud.
19- Guddoomiyaha Hayโadda Maaraynta Musiibooyinka Qaranka Mudane Maxamuud Macalin Cabdulle ayaa xafiiskiisa ku qaabilay madax ka socotay Madasha Mutadawiciinta Soomaaliyeed (Somalia volunteering work forum).
20- Wasiirka Wasaaradda Awqaafta iyo Arrimaha Diinta ee Soomaaliya Sheekh Mukhtaar Roobow oo kulan looga hadlayay ciribtirka fikirka Khawaarijta iyo xoojinta kaalinta wacyigalineed ee culimada la qaatay culumada.
21- Dowladda Soomaaliya ayaa Dowladda Mareykanka la saxiixatay heshiis horumarineed oo gaaraya $92.6 Milyan kana turjumaya iskaashiga joogtada ah ee u dhexeeya labada dowladood.
22- Hayโadda Tayo-Dhawrka Soomaaliyeed oo Muqdisho ku qabanaysa Shirwaynaha 2-aad ee Kaabayaasha Tayada Qaranka.
23- Agaasimaha Guud ee Wasaaradda Warfaafinta Soomaaliya Mudane Cabdillaahi Xayir Ducaale ayaa furay tababar ku saabsan isku xirka xiriirka warbaahinta iyo la dagaalanka fikirka Khawaarijta kaas oo ka qeybgalaayn hayโadaha dowladda ee heer federal, heer Dowlad Goboleed iyo Gobolka Banaadir oo soconaya shan maalmood.
24- Wasaaradda Caafimaadka Soomaaliya ayaa xoojinaysa adeegyada caafimaad ee ay siineyso ciidamada Qaranka iyo dadka deegaanka ee u taagan dagaalka Khawaarijta.
25- Ergeyga Gaarka ah ee Madaxweynaha Soomaaliya ugu qaabilsan Iskaashiga Dhaqaalaha Bariga Afrika (EAC) Danjire Cabdisalan Omar Hadliye ayaa sheegay in uu meel wanaagsan marayo dedaalada Soomaaliya ugu biirayso ururkan.
26- Wakaaladda Murtida iyo Wacyigelinta Qaranka oo wada qaban qaabada tartan suugaaneed lagu soo bandhigayo guulaha la dagaalanka Khawaarijta iyo dhibaatooyinka ay bulshada u geystaan.
27- Ciidanka Nabad Sugidda iyo Sirdoonka Qaranka ayaa howlgal qorsheysan oo ay ka fuliyay deegaanka Jambaluul ee Gobolka Shabeellada Hoose ku burburiyey maxkamad beenaadkii Khawaarijta ee deegaankaas.
28- Ciidanka Xoogga Dalka oo kaashanaya dadka deeganka ayaa si buuxda ula wareegay Degmada Ceel Buur ee Gobolka Galguduud.
29- Hayโadda Maareynta Musiibooyinka Qaranka ee SoDMA oo gargaar u dirtay goobihii laga saaray argagixisada.
30- Agaasimaha Guud ee cusub ee Madaxtooyada Mudane Cabdixakiim Maxamed Yuusuf oo la wareegay xilka.
31- Xafiiska Hantidhowraha Guud ee Qaranka ayaa maanta soo saaray warbixin ku saabsan u hoggaansanaanta sharciga, taas oo quseysa hayโadaha gacanta ku haya hantida dowladdu leedahay ama kuwa bixiya adeegyada caamka ah.
32- Ciidamada Xoogga Dalka iyo kuwa dib u xoreeynta ee shalay la wareegay deeganka Cowswayne ayaa soo Bandhigay horjooge Cabdiraxmaan Foodeey Kulmiye malleeshiyaad kale oo duurgal ahaa oo naftooda kala soo baxsaday Khawaarijta, iskuna soo dhiibay dowladda.
33- Horjoogihii DIlalka iyo qaraxyada Khawaarijta u qaabilsanaa gobolka Mudug Nuur Deeq Cabdullahi Maalinguur oo isku soo dhiibay Dowladda Soomaaliya.
==============DHAMMAAD==============
