Muqdisho (SONNA)- Wafdi balaaran oo uu hoggaaminayo Madaxweynaha Dowlad Goboleedka Galmudug mudane Axmed Cabdi Kaariye ayaa galabta gaaray magaalada Jabuuti ee caasimadda dalka Jabuuti.
Garoonka Diyaaradaha magaalada Jabuuti ayaa waxaa si diirran ugu soo dhaweeyay Madaxweynaha iyo Wafdigiisa mas’uuliyiin kala duwan oo ugu horreeyo Wasiirka Arrimaha Gudaha Dowladda Jabuuti, Wasiiro iyo xubno kale oo ka tirsan Dowladda Jibuuti, Danjiraha Jabuuti u fadhiya Muqdisho iyo xubno sare.
Madaxweynaha Galmudug iyo wafdigiisa ayaa booqasho rasmi ah ku gaaray dalka Jabuuti halkaas oo uu shirar muhiim ah kula yeelan doono Madaxda dalkaasi.
