Dhawaan ayay aheyd markii magaalada Dhuusamareeb lagu soo gagabeeyay Shirkii 7-aad ee Golaha Wadatashiga Qaran, kaasi oo uga socda Madaxda Maamul-goboleedyada, Goboklka Banaadir iyo dowladda Dhexe, waxaana gabagabadiisa ka hadlay Madaxweynaha Jamhuuriyadda federaalka Soomaaliya mudane Xasan Sheekh Maxamuud, wuxuuna ka warbixiyay halka ay marayaan howlgallada dalka looga xoreynayo khawaarijta.
Madaxweynaha ayaa sheegay in uu dhammaaday waqtigii Khawaarijta, inta dhimanna la dhameeystiri doonno, waxa uuna ciidanka xoogga Dalka iyo kuwa deegaanka ku bogaadiyay guulaha ay soo hooyeen Dagaalka, isagoona sheegay in la gaaray xiligii lays abaal marin lahaa qof walbana la qiri lahaa kaalinta uu ku lahaa xoreynta dalka
โAl-Shabaab Waa xaaqin Shacabkuna waa dhulkii,ย Xaaqinka ayaana dhammaanaya โ, sidaasi waxaa yiri, Madaxweynaha JFS Mudane Xasan Sheekh Maxamuud, Sidoo kale Madaxweynaha ayaa farriin u diray dhallinyarada iyo odayaasha ay qaldeen khawaarijta, isagoo u sheegay in ay ka soo baxaan, dowladana ay cafis u fidineyso cid walba oo fikirka qaldan ee khawaarijta ka soo baxaysa.
Mar uu soo hadal qaaday doorka Ganacsatada eek a maqan ka qeybqaadashada dagaalka lagula jiro Khawaarijta ayuu Madaxweynuhu sheegay in Ganacsatada wali ay maqan tahay kaalintoodii, isagoona ugu baaqay in ay ka qeyb-qataan howlgallada guud ahaan dalka looga xoreynayo khawaarijta, wuxuuna Madaxweynuhu intaasi raaciyay in inta qof ka mid ah khawaarijta uu ku sugan yahay degannada ay wali gacanta ku hayaan uu howlgalku sii socon doonno.
โWaxaa jira shaqsiyaad iyo kooxo ku daaban oo si toos ah iyo si dadbanba u taageeraya kooxda Argagexisada ah ee Al-Shabaab. Dawladahaasi waa kuwo ka macaasha in ay dunida dalaal uga yihiin galaan galka Argagexisada, halk kooxaha ku daabani ay u arkaan in Madaxweyne Xasan Sheekh uu hollinayo libin ay ku dhaceeda yeelan waayeen.
Waxayse ogayn in cadawgan uu yahay kii kun Soomaali maydkooda maalin Zoobe waray, kuwii hal doorkeena sheekh, Macallin, Dhakhtar, Sarkaal, Injineer, Ganacsade, Siyaasi, Saxafi, Hobol, iyo Safiir naga ugaarsanayey, kuwii Soomaali gumeeyey ee asaageed u loogayโ, sidaasi waxaa yiri Xil.Cabdiraxmaan Cabdishakuur Warsame.
Xildhibaanka oo Bartiisa Bulshada ku qoray qoraal uu kaga hadlaayo waxyaabaha ka socda Dalka ee ku aadan Jihaadka lagula jiro Kooxda Argagixisada ah ee Alshabaab ayaa qoraalkiisa ku sii daray, โWaa nacas kii aan garan in argagexisada AS ay halis ku yihiin jiritaankeena ummadeed, waxaase ka sii liita ruuxii isagoo og dhibco siyaasadeed ka dhex raadiyaโ.
Xil. Cabdiraxmaan Cabdishakuur waxa uu qoraalkiisa aad ugu taageeray doorka uu Madaxweynaha Jamhuuriyadda Federaalka Soomaaliya Mudane Dr: Xasan Shiikh Maxamuud ka qaatay ciribtirka Khawaarijta ah, โWaxaan garab taaganahay Madaxweynaha iyo inta hoggaanka dagaalka ku hawlan, waxaan boggaadinayaa ciidanka xooga dalka iyo macawiislayda naftood hurayaalka ah ee furumaha dagaalka ku hortaagan cadawga, waxaan Alle uga baryayaa in uu shahaadada ka aqbalo geesiyaalkii ku naf waayey la dirirka Argagexisadaโ.
Farriinta Xildhibaan Maxamed Abuukar Isloow Ducaale sida ay bulshadu ula wada dhacday, iyo farriimaha niyad jabinta leh sida canaanta loogala dul dhacayo waxay ku tusinaysaa in shacabku ay feejigan yihiin, halbeegga guushana uu u saxan yahay.
Guushu waa in uu ciidankeennu hore u socdo oo maalin walba magaalo cusub cadawga ka saarayo. Siyaasigii aanan intaas guul u arag asaga iyo shacabku is ma fahmayaan, waana sababta loo leeyahay โma taasaad keentay?!โ. โMaantay waa maalinti la kala baran jiray baqiilka iyo Deeqsiga. Waa maalintii la kala baran jiray geesiga iyo fulayga, waa maalintii labaran lahaa wadaniga dhabtaa iyo kan kaleโ, Sidaa yiri Nabaddoon Cali Xasan Cali jeesto.
Waa fariin qalbi taabad ah oo ka timid muwaadin dhibane u ah Khawaarijta, waxa uu ku Indho beelay, kana beelay Xubno kale oo ka mid ah Jirkiisa Qaraxii ka dhacay Xaruunta Maamulka Gobolka Banaadir, ย ย Qof kasta oo damiirkiisu nool yahay ee dhageysta fariinta dhibanahaan waxaa dushiisa ahaatay in uu ajiibo oo kaliya.ย Cadaw inta uu guul guul kaaga gooyo galista kaagama hooyo, hubaal inta ay Khawaarij Dadkeenna ku gaarsiisay guul guulka kuma gaarsiiseen haddii aan u bareerno, wixii tagay tagee ee Maanta ayay talo nala gudboon tahay,ย waana in aynaan u kala harin Suulinta Khawaarijta.
Guddoomiyihii hore ee gobolka Banaadir,Dr: Xasan Maxamed Xuseen {Muungaab) ayaa bogaadiyay guulaha laga gaaray dagaalka ka dhanka ah khawaarijta iyo goobaha laga saaray oo ay ugu dambaysey degmada Ceelbuur, wuxuuna intaasi ku daray in ay dowladdu guuleysato, lagana adkaado cadowga khawaarijta ay cid kasta dan ugu jirto.โIn Dowladnimada guulaysato cadowgana laga adkaado waa danta cid kastaโ.
Mudane, Muungaab ayaa qaybaha kala duwan ee bulshada ugu baaqay in ay hiil iyo hoo la garab istaagaan Madaxweynaha JFS iyo Ciidamada qalabka Sida ee ku howlan har iyo habeen xoraynta dalka ย iyo ciribtirka cadowga Khawaarijta. โCiddii dooneysa in ay siyaasad ka dhex raadisoย xoraynta dalka iimaankaย Allaha geliyo, waxaana leeyahay war hooy sidaasi geela looma kaxeeyoโ
