Liverpool(SONNA)-Mid ka mid ah xiddigaha ugu muhiimsan xilligan la joogo kooxda Liverpool, ayaa wuxuu si cad u sheegay in mustaqbalka uu rajeynayo inuu noqdo kabtanka joogtada ah ee Reds.
Daafaca garabka midig ee Liverpool Alexander-Arnold ayaa wuxuu indhaha ku hayaa inuu noqdo kabtanka joogtada ah ee kooxda Reds.
Alexander-Arnold ayaa wareysi uu ku bixiyay shabakada caalamiga ah ee โBBCโ wuxuu ku sheegay:
โKama xishoodo inaan sidaas sheego, waxaan doonayaa inaan noqdo kabtanka kooda Liverpool maxaa yeelay taasi waa riyadeydaโ.
โHaddii ay riyada rumoowdo ama haddii kale, arrintan maahan mid gacmaheyga ku jira, aniga ma ahi qofka dooranaya hogaamiyaha, laakiin waxaan jeclaan lahaa inaan maalin uun ku guuleysto, hoggaaminta Liverpool waa wax aan mar walba ku riyoodo, weyna i dhiirogalineysaaโ.
โWaxaan marwalba ahaa ciyaaryahan Liverpool ah, kooxdana waa sida gurigeyga, waligey kuma fikirin inaan meel kale u dhaqaaqo, markii aan weynaadayna mar walba waxay riyadeyda aheyd inaan u ciyaaro Reds, hada waxaan ku noolahay riyada mana arkin ย mana arko in arrintaas ay isbadeli doontoโ ayuu hadalkiisa ku soo xiray Alexander-Arnold.
