Dhallinyarada ku nool Soomaaliya ayaa ka mid ah kuwa ugu halista badan saamaynta isbeddelka cimilada oo halis ku ah caafimaadka, waxbarashada, iyo deegaanka, sida lagu sheegay warbixin ay soo saartay Heyโadda UNICEF ee Qaramada Midoobay.
Warbixintu waxay ogaatay in 2.2 bilyan oo carruur ah ,ku dhawaad โโ1 bilyan oo adduunka ah ay ku nool yihiin 33 wadan oo lagu tilmaamay inay yihiin โkuwa aadka u halista badan,Soomaaliya ayaana ka mid ah dalalkaas, iyagoo ku jira darajada 4 -aad.
Warbixinta ayaa sheegeysa in carruurta Soomaaliyeed ay saameeyeen wasaqowga biyaha iyo fatahaadda webiyada, sidaa daraadeed,maalgashiga adeegyada bulshada, gaar ahaan caafimaadka carruurta iyo nafaqada iyo sidoo kale biyaha, nadiifka ah iyo fayadhowrka ayaa wax weyn ka beddeli kara awoodda aan u leenahay inaan ilaalino mustaqbalka caruurts.
โDhibaatada cimiladu waa dhibaatada xuquuqda ilmaha,โ ayuu yiri Wakiilka UNICEF Somalia Maxamed Ayoya. Wuxuuna intaa ku daray in ay lagama maarmaan tahay badbaadinta carruurta Soomaaliyeed iyo mustaqbalkooda .
Waxaan u baahanahay inaan si wadajir ah wax uga qabanno oo aan maalgelinno adeegyada muhiimka ah, sida,daryeelka caafimaadka iyo adeegyada waxbarashada carruurta. waayo โwaxay caruurtu xaq u leeyihiin inay noolaadaan oo laga dareemo horumarka dadka โayuu yiri wakiilku..
โIsbeddellada deegaanka ee cabsida leh ee aan ku aragno daafaha dunida waxaa dabada ka riixaya dad yar”Waana inaan si deg -deg ah u yareynaa qiiqa gaaska,si loo helo duni wanaagsan oo ay ku barbaaraan caruurta.
