Muqdisho (SONNA)-Madaxweynaha dalka mareykanka Donald Trump, ayaa shaaciyey in uusan xiran doonin waxyaaba afka iyo sanka lagu xirto ee dadka ka caawiya ineysan qaadin Fayraska corona, iyaddo cudurka Covid-19, uu si daran u saameeyey waddanka mareykanka sido kale bahda caafimaadku ay ku taliyeen in la xirto af-duubka gacanta ka gaysta inuusan faafin cudurkan.
Donald Trump, ayaa intaasi ku daray in taladda xarunta ka hortaga cuduradda ee CDC, aysan qasab ku noqonayn inuu raaco balse waxaa uu soo jeediyey inay quman tahay inuu xirto maaskaro waqtiyadda uu qaabillayo madaxda kale.
Tiradda dadka cudurka Covid-19 ugu dhintay waddanka Mareykanka ayaa maalin kaliya gaartay 1300, taas oo ka dhigeysa tiraddii dhimasho ee ugu badnayd ee muddo 24 saacadood ah dunida laga diiwaan geliyo.
