Muqdisho-(SONNA)-Taliyaha Ciidanka dhulka Gen; Dayax Cabdi Cabdulle ayaa safar kormeer iyo dhiiri gelin Ciidanka ah ku tagay Saldhigga Ciidamada Xoogga dalka degmada Afgooye eeย gobolka Shabeellada hoose.
Taliyaha Ciidanka dhulka Gen; Dayax Cabdi Cabdulle ayaa kulan la qaatay Taliyeyaasha iyo Ciidanka Qaranka ee ku sugan degmada Afgooye, isagoo ka xog waraystay Sugitaanka amniga degmada iyo deegaannada ku xeeran.
Abaanduulahaย qeybta 12-ka April gaashaanle sare ; Warsame Maxamed Diiriyeย ayaa Taliyaha Lugta warbixin ka siiyay Shaqada Ciidamadu ka hayaan deegaannada hoos yimaadda Afgooye oo ay jab xooggan ku gaarsiiyeen Khawaarijta duulaanka ku ah nafta iyo maalka dadka Soomaaliyeed.
Abaanduulahaย qeybta 12-ka April gaashaanle sare ; Warsame Maxamed Diiriyeย ayaa ballan qaaday In ay joogtaynayaan howlgallada ka dhanka ah Khawaarijta isla markaana ay diyaar u yihiin in ay ka sifeeynayaan deegaannada ay gobolka shabeellada hoose kaga dhuumaalaystaan.
Taliyaha Ciidanka dhulka Gen; Dayax Cabdi Cabdulle oo Saraakiisha iyo Ciidanka ku dhiirri galiyay jihaadka xoreynta dalka ayaa waxa uu faray in ay u diyaar garoobaan sidii loo soo afjari lahaa Khawaarijta nafla caariga ah.
Sidoo kole Taliyaha Diidanka dhulka Gen: Dayax Cabdi Cabdulle ayaa bogaadiyay guulaha isdaba joogga ah oo ay Ciidamada Qaranku kasoo hooyeen howl-gallada lagu baacsanaayo Khawaarijta.
Taliyaha Ciidanka dhulka Xoogga Dalka Soomaaliyeed oo maalmihii lasoo dhaafay ku sugnaa furimaha hore ayaa waqti badan la qaadanaya Ciidamada jiidaha ku sugan, waxaana socda diyaar garoowga dagaalka looga xoreynaayo Khawaarijta ku dhuumaalaysanaysa deegaanno ka tirsan gobolka Shabeellada hoose.
