Istanbul (SONNA): Taliyaha ciidanka dhulka ee xoogga dalka Sarreeye Sahal Cabdullaahi Cumar iyo saraakiil kale oo ka tirsan xoogga dalka ayaa ka qaybgalaya bandhigga hubka iyo Teknolojiyadda Militariga ee (IDEF 2025) kaas oo ka socda magaalada Istanbul ee dalka Turkiga, si halkaas ay Soomaaliya uga hesho aqoon militari iyo kordhinta tayada casriga ah ee xilligan Militarigu isticmaalo.
“Waxaa naga go’an inaan sameyno iskaashi iyo wada shaqayn wax ku ool ah oo kor u qaadda difaaca Qarankeena, keenana tignoolajiyad iyo aqoon waxtar u leh horumarinta awoodda ciidamadeenna, si aanu u xoojino ilaalinta amniga iyo danaha Qarankeena” ayuu yiri taliye Sahal.
Soomaaliya ayaa Turkiga laleh xiriir qoto dheer oo dhinaca amniga ah, kaas oo taabanaya tababarka ciidamada iyo qalabayntooda.
