Muqdisho (SONNNA) Taliyaha Ciidanka Dhulka Generaal Maxamed Tahliil Biixi ayaa gudoominayay kulan looga Amniga iyo dagaalka dalka loog saarayo Khawaarijta Al-shabaab oo ka qabsoomay degmada Xarardheere ee Gobolka Mudug.
Kulanka ayaa waxaa ka soo qeyb galay Xildhibaano ka tirsan Golaha Shacabka Baarlamaanka Jamhuuriyadda Federaalka Soomaaliya, masuuliyiin ka tirsan Galmudug iyo saraakiil ciidan.
Taliyaha Ciidanka Dhulka ee Xoogga dalka ayaa sheegay in khawaarijta looga adkaaday howlgallada ka socda gobolka, isla markaasna ay u diyaarsan yihiin sidii ay u dar dar galin lahaayeen Howlgallada.
Senator Cabdixakiin Macallin iyo Xildhibaan Ilyaas shiikh Axmed oo ka qeyb galay kulanka ayaa sheegay in u jeedkooda safarka Xarar dheere in uu yahay sidii ay u dhiiri galin lahaayeen Ciidamada Xoogg iyo dadka deegaanka.
Dhinaca kale, Xildhibaano iyo wasiiro ka tirsan Baarlamaanka Jamhuuriyadda Federaalka Soomaaliya ayaa galabta kormeeray Xeryaha Ciidamada Dowladda iyo kuwa Deegaanku ku leeyihiin Galbeedka Degmada Xarardheere ee koonfurta Gobolka mudug.
