Muqdisho-(SONNA)-Taliyaha Ciidanka Booliiska Soomaaliyeed S/guuto Sulub Axmad firin ayaa maanta xafiiskiisa kulan kula qaatay qaar kamid ah Culimada Soomaaliyeed oo kala hadlay wacyigalinta bulshadda iyo wada shaqeynta booliiska iyo culimadda Soomaaliyeed.
Qaar kamid ah Culimada Soomaaliyeed oo maanta booqday Taliska Ciidanka Boliiska Soomaliyeed ayaa ku bogaadiyey shaqadii Boliiska Soomaaliyeed ay ka qabteen dadkii anshax xumada ka faafinayey baraha bulshada.
Sidoo kale Culimada Soomaaliyeed ayaa Taliyaha Ciidanka Boliiska Soomaaliyeed S/guuto Sulub Ahmad firin ku amaaney go’aankiiisi ahaa in qofka xaafidul Qur’aanka ah ee ka mid noqonaya Ciidanka Boliiska Soomaaliyeed la mid yahay qof haysta shahaado Dugsi Sare ah.
Taliyaha Boliiska Soomaliyeed S/Guuto Sulub Ahmad Firin ayaa dhankiisa Culimada ka codsadey in ay gacan ka geystaan wacyigelinta bulshada Soomaaliyeed.
