Baydhabo(SONNA):-Taliska qeybta 60-aad ee Ciidanka Xoogga Dalka Soomaaliyeed ayaa faahfaahino dheeri ah ka bixiyey weerarkii khawaarijta ee saakay ka dhacay deegaanka Daynuunaay ee jabka xooggan lagu gaarsiiyay argagixisada.
Taliyaha guutada 8-aad, qeybta 60-aad ee Ciidanka Xoogga Dalka, Xasan Cali Sanweyne oo hoggaaminaayey ka hortagga weerarkii khawaarijta ayaa waraysi uu siiyey Warbaahinta Qaranka wuxuu ku sheegay inay dileen in ka badan 35 Khawaarij ah, tiro ka badan 60 kalena ay dhaawacyo ka soo gaareen howlgalkaas.
Taliska ayaa sheegay in Ciidamada Xoogga Dalka iyo Daraawiishta Koonfur Galbeed ayaa sii baacsanaya firxadkii Khawaarijta ka hartay kuwii howlgalkaas lagu laayey.
