Muqdisho (SONNA)-Taliyaha Ciidanka Booliska Soomaaliyeed Sareeyo Gaas Cabdi Xasan Maxamed Xijaar ayaa guddoomiyey shir ka dhacay Akadeemiyada Ciidanka Booliska ee Janaraal Kaahiye oo ay ka soo qayb galeen Taliye Ku-xigeenka Koowaad ee Ciidanka Booliska,ย Hoggaamada iyo Fadhiyada Madaxa Bannaan, shirkaas oo looga hadlayey horumarinta daryeelka iyo caafimaadka Ciidanka Booliska Soomaaliyeed.
Shirka ayaa lagu lafo-guray sidii kor loogu qaadi lahaa tayada iyo adeegyada cisbitaalka Ciidanka Booliska Soomaaliyeed ee Midiina, iyada oo warbixin laga dhegeystay Agaasimaha Cisbitaalka Dr Maxamed Cabdiraxmaan Jaamac.
