Manchester(SONNA)- Tababare Ole Gunnar Solskjær ayaa shaaciyey liiska xiddigaha Manchester United ee kaga qeyb geli doona kulanka caawa ee horyaalka Premier League ay la ciyaari doonaan kooxda Liverpool.
Kooxda kubadda cagta Liverpool ayaa caawa oo Axada ku soo dhaweyn doonto garoonkeeda Anfield naadiga ay xilfaltamaan ee Manchester United, si ay u wada ciyaaraan kulan ka tiran kulamada 23-aad ee horyaalka Premier League.
Marcus Rashford ayaan qeyb ka noqonin liiska xiddigaha kooxda Manchester United ee ka qeyb galaya kulanka caawa ee Liverpool, kaddib dhaawac dhanka Jilibka ah ee soo gaaray, sida laga soo xigtay wargeyska Manchester Evening News.
Haddaba dhanka hoose kaga boggo liiska xiddigaha kooxda Man United ee ka qeyb galaya kulanka caawa ee Liverpool waxaana ay kala yihiin:-
Goolhaayaasha: David de Gea, Sergio Romero, Lee Grant.
Difaacyada: Aaron Wan-Bissaka, Harry Maguire, Victor Lindelof, Phil Jones, Brandon Williams, Luke Shaw, Bailly, Diogo Dalot.
Khadka Dhexe: Nemanja Matic, Fred, Andreas Pereira, Jesse Lingard, Angel Gomes, Juan Mata.
Weerarka: Tahith Chong, Daniel James, Anthony Martial, Mason Greenwood.
Si kastaba ha noqotee, Manchester United ayaa waxay dooneysaa inay noqoto kooxdii ugu horreysay ee guul ka gaarta Liverpool xilli ciyaareedkan, xilli Red Devils ay haatan kaga jirto dhanka miiska kala sareynta horyaalka Premier League booska Shanaad, waxayna 5 dhibcood u jiraan Chelsea oo afaraad ku jirta, xilli laga war qabo in kulankii lugta hore ay wada ciyaareen kooxaha United-ka iyo Reds uu ku soo dhamaaday bar-bardhac 1-1 ah.
