Belgrade-(SONNA)โWasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaam Cabdi Cali, ayaa kulan kula yeeshay magaalada Belgrade Wasiirka Arrimaha Dibadda ee Jamhuuriyadda Serbia, Mudane Marko Djuric.
Kulanka ayaa diiradda lagu saaray xoojinta xiriirka laba geesoodka ah ee dhaxeeeya Soomaaliya iyo Serbia gaar ahaan dhinacyada dhaqaalaha, beeraha, dhismaha iyo waxbarashada, iyadoo sidoo kale laga wadahadlay in la hormariyo mashaariicda wadajirka ah ee caalamiga ah.
Labada wasiir ayaa mar kale xaqiijiyay sida ay uga goโan tahay in la dhiso xiriir adag oo ku saleysan dano wadaagย iyo saaxiibtinimo soo jireen ah.
Wasiirka Cabdisalam ayaa sheegay, โWaxaan ka wadahadalnay xiriirka laba geesoodka ah iyo arrimaha caalamiga ah, annaga oo dib u xasuusaneyna saaxiibtinimada dheer ee ka dhaxeysa Soomaaliya iyo Serbia.โ
Dhankiisa, Wasiirka Arrimaha Dibadda ee Serbia ayaa adkeeyay in dalkiisu uu ku faanayo xiriirka soo jireenka ah ee uu la leeyahay Soomaaliya.
Wuxuu yiri, โSerbia waxay ku faaneysaa xiriirka wanaagsan ee taariikhiga ah ee kala dhaxeeya Soomaaliya, waxaana naga goโan inaan sii xoojino iskaashiga dhinacyo badan leh.โ
