Muqdisho.(SONNA:- Shirweynaha Meertada 15-aad ee ururka caalamiga ah ee Daraasaadka Soomaaliyeed ayaa maanta lagu wadaa in lagu soo gabagabeeyo magaalada Muqdisho oo saddexdii maalin ee u dambeysay uu ka socday.
Shirka oo maalintii afaraad galay, ayaa maanta waxaa diiradda lagu saarayaa n lagu dhammeystiro in lagu dhammeystiro qeyb ka mid ah cilmi-baarisyo muhiim u ah daraasaadka iyo marxaladaha kala duwan ee waxbarashada dalkeennu soo martay.
Shirka ayaa waxaa ka qeyb galaya doona cilmibaarayaal Soomaaliyeed iyo kuwo caalami ah, kuwaas oo markii ugu horeysay ka qeyb galaya madashan oo lagu qabanayo magaalada Muqdisho ee caasimadda dalka, waxaana madasha barbar socon doona dood-wadaagyo muhiim ah oo su’aallo lagu weydiin doono aqoonyanada ka madasha ka jooga oo looga hadli doono dhinacyada dhaqaalaha, cadaalladda iyo tacliinta.
Prof. Maxamed Cumar Dalxaย oo ka mid ah aqoonayada Soomaaliya kana qeyb galaya shirweynaha Meeryada 15-aad ee ururka caalamiga ah ee Daraasaadka Soomaaliyeed ayaa tilmaamay in maalmihii uu shirkan socday aqoonyahanada Soomaaliyeed ay isku dhaafsadeen cilmi baarisyo iyo xogo muhiim u ah soo kabashada dalkeenna.
Gelinka dambe ee maanta ayaa la filayaa inuu soo xiro Ra’iisal wasaaraha xukuumadda Federaalka Soomaaliya Mudane Xamsa Cabdi Barre oo ay weheliyaan qaar ka mid ah xubnaha golihiisa wasiirada.
