Muqdisho-(SONNA)-Ra’iisul Wasaare Xigeenka Xukuumadda Federaalka Soomaaliya mudane, Saalax Axmed Jaamac ayaa sheegay in ay indha furan ku eegayaan ka xukuumad ahaan adeegga Caafimaadka dalka, si lamida midka waxbarasha.
Raโiisul Wasaare ku xigeenka dalka oo ka hadlayay shirwaynaha Qaran ee Shaqaalaha Caafimaadkaย Soomaaliya ayaa intaa ku daray in Caafimaad laโaan anay dowladdu waajibaadkeeda shaqo gudan karin loona baahan yahay in la tayeeyo.
“Hadaanu nahay Xukuumada Federalka Soomaaliya gaar ahaan Tiirka Arinaha Bulshadda waxaan indha durugsan ku eegaynaa adeegga Caafimaadka si lamida midka waxbarasha maadaama aan Caafimaad la’aantiis hoggaanka Soomaaliya uunaย hadli karin”.
Wasiirka Wasaaradda Caafimaadka iyo daryeelka bulshada Xukuumadda Federaal Soomaaliya mudane, Dr; Cali Xaaji Aadam ayaa sheegay inmaalgellin dhanka Caafimaadka oo la helo ay horseedi karto ย Shaqaale Caafimaad oo adkeysi iyo tayo leh.
Wuxuuna ganacsatada Soomaaliyeed ugu baaqay in ay maal gashtaan Caafimaadka dalka, taas oo sababi u noqon karta buu yiri in dadkeennu ay ka baaqsadaan Caafimaadka dibedda ay u aadaan.
“in la hello maalgellin dhanka Caafimaadka waxay horseedi kartaa hellidda Shaqaale Caafimaad oo adkeysi iyo tayo leh, waxaan ganacsatada Soomaaliyeed ugu baaqeynaa in ay maalgashtaan Caafimaadka dalka taas ayaana sabab u noqon karta in dadkeena ay ka baaqsadaan Caafimaadka dibadda ay u aadaan”.
