Muqdisho(SONNA):-Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud, ayaa maanta magaalada Muqdisho ka daahfuray Qorshaha Hiigsiga qarni-jirka 2060-ka.
Madaxweynaha JFS Mudane Xasan Sheekh Maxamud oo khudabad ka jeediyay shiraka ayaa yiri”Waxaan dooneynaa inaan wadamada caalamka kula tartano dhaqaalaha iyo horumarka, waana muhiim inaan higelino Qorsheyaasha Hiigsiga Qarni-jirka 2060.”
Hiigsigan oo ka kooban 7 qorshe Qaran oo 5-sanadle ah, ayaa waxa uu diiradda saaraya sidii ay Soomaaliya ku noqon lahayd dal mideysan, xooggan, nabdoon, kana mid ah waddamada dakhliga dhexe meelaha sare kaga jira, marka la gaaro sanadka 2060.
Lataliyaha Arrimaha Dhaqaalaha ee Madaxweynaha JFS, ahna Guddoomiyaha Golaha Dhaqaalaha Qaranka, Xasan Aadan Hoosow, oo la hadlay Warbaahinta Qaranka ayaa sheegay in haddii qorshahaan la hirgeliyo Soomaaliya ay noqon doonto dal barwaaqo ah.
โHaddii Qorshaha Hiigsiga Qarni-jirka 2060-ka la hirgeliyo, Soomaaliya waxay noqon doontaa dal barwaaqo ah,โ ayuu yiri Lataliyaha Madaxweynaha ee Arrimaha Dhaqaalaha.
Wasiirka Gaashaandhigga XFS Axmed Macalin Fiqi oo isna ka hadlay goobta ayaa yiri “Qorshaha Qarni-jirka 2060-ka waxaa uu isbedel weyn ku sameyn doonaa dalka iyo dadka Soomaaliyeed.”
Shirka socon doona muddo saddex cisho ah waxaa ka qeyb galaya Raโiisul Wasaaraha XFS mudane Xamse Cabdi Barre,wasiirro, xildhibaanno ka tirsan labada Aqal ee Baarlamaanka Soomaaliya, wakiillo ka socda Beesha Caalamka iyo marti-sharaf kale.
