Muqdisho(SONNA)-Wiilka Soomaaliyeed ee Akram Afif ayaa ku guuleystay abaal-marinta ciyaaryahanka sanadka ee Asian Football Confederationโs (AFC) Player of the Year sanadkan 2019.
Xafladda abaal-marinta lagu bixiyay ayaa ka dhacday Magaalada Hong Kong ee dalka Shiinaha.
Ciyaaryahan Afif waxaa dhalay Aabo Xasan Afif Yaxye kaas oo u soo ciyaaray kooxda Horseed, wuuxuna u saftay 5 kulan, isagoo u dhaliyay 1 gool, waxaa xusid mudan in Xasan Afif uu xirtay maaliyada qaranka Ocean Stars 20 kulan ayuu saftay intii u dhaxeysay 1977-1980.
Akram Afifย oo ku guuleystay abaal-marintan ayaa noqday ciyaaryahankii saddexaad eeย dalka Qadar ka soo jeeda kaas oo hanta abaal-marintan.
Afif ayaa xulkiisa qaranka ee Qatar u suuro-galiyay inay hantaan Koobka qaramada qaarada Asia ee Asian Cup.
22-jirkaan ayaa sidoo kale Kooxdiisa Al Sadd ka caawiyay inay gaaran afar dhammaadka horyaalka Champions League ee qaaradda Asia.
โWaxaan jeclaan lahaa in u mahadceliyo xiriirka kubada cagta ee qaaradda Asia taas oo ku aadan inay i guddoonsiiyeen abaal-marintaan xiddiga ugu fiican, Wwxaan rabaa in sidoo kale aan u mahadceliyo ciyaartoyda iyo Maamulaasha xulka qaranka ee Qatar, iyo Kooxdeyda Al Sadd, waxaan rabaa in aan u mahadceliyo qoyskeyga, kuwaasoo si wayn ii taageeray, waxaan rabaa inaan u mahadceliyo qof walba oo taageera Akram Afif.
โKuma sugni xafladda sabab la xiriira waajibaadka qaranka ee dalkeyga Qatar, markale waxaan u mahadcelinayaa xiriirka, dhammaantiin waxaan idiin rajeynayaa guul,โ sidaas ayuu ku sheegay ciyaaryahanka muuqal uu soo duubay.
Abaal-marinta waxaa u guddoomay macallinka Kooxda Al Saddย iyo Xiddigii hore ee Kooxda Barcelona, Xavi Hernandez.
