Ra’iisul wasaare Rooble oo gaaray magaalada Garbahaareey.

La wadaag cid kale

Garbahaarey (SONNA)- Ra’iisul wasaaraha Jamhuuriyadda Federaalka Soomaaliya Mudane Maxamed Xuseen Rooble ayaa gaaray magaalada Garbahaareey ee Gobolka Gedo.

Masuuliyiinta gobolka, kuwa Garbahaareey, Taliyeyaasha Ciidanka Xoogga iyo qeybaha kala duwan ee Bulshada ayaa Ra’iisul Wasaaraha ku soo dhaweeyay garoonka diyaaradaha Garbahaareey.

Booqashada Ra’iisul wasaaraha ee caasimadda gobolka Gedo ayaa waxa ay hor-dhac u tahay booqashooyin uu ku tagi doono maamul goboleedyada dalka.

Garbahaareey ayaa waxa ay ka mid tahay goobaha ay ka dhici doonto doorashada loo madlan yahay bilowshaheeda maalmaha nagu soo aadan, iyadoo Ra’iisul wasaaraha ay kaga sii horeeyeen magaalada wafdi ka tirsan Xafiiskiisa iyo qaar ka mid ah masuuliyiintii loo magacaabay xalinta khilaafaadka gobolka Gedo.

Maalmihii la soo dhaafay waxa uu Ra’iisul wasaaraha ku sugnaa magaalada Kismaayo, isagoo kulamo la qaatay masuuliyiinta Jubaland iyo siyaasiyiinta ka soo jeeda gobolka Gedo.

La wadaag cid kale