SONNA (MUQDISHO)– Raโiisul Wasaaraha Xukuumadda Federaalka Soomaaliya Mudane Maxamed Xuseen Rooble iyo wefdi uu hoggaaminayo ayaa gaaray magaalada Abu Dhabi ee dalka Isu-tagga Imaaraadka Carabta, halkaas oo uu kulammo kula yeelan doono madaxda ugu sarreysa dalka Imaaraadka Carabta.
Raโiisul Wasaaraha waxaa garoonka diyaaradaha ku soo dhaweeyay Wasiirka Caddaaladda dalka Imaaraadka Carabta Cabdalla Suldaan Alniceymi.
Booqashada Raโiisul Wasaaraha ee dalka Imaaraadka ayaa ujeedkeedu yahay xoojinta xiriirka u dhexeeya labada dal ee walaalaha ah iyo sidii loo sii horumarin lahaa.
Wefdiga Raโiisul Wasaaraha waxaa ka mid ah; Wasiirka Amniga Gudaha Mudane Cabdullaahi Maxamed Nuur, Wasiirka Waxbarashada iyo Tacliinta Sare Mudane Cabdullaahi Abuukar Xaaji, Wasiirka Arrimaha Dastuurka Mudane Saalax Axmed Jaamac, Wasiiru dowlaha Xafiiska Raโiisul Wasaaraha Mudane Cabdixakiin Xasan Ashkir iyo masโuuliyiin kale.
